Avropa Liqasının qrup mərhələsinin 4-cü turu çərçivəsində “Qarabağ” Yunanıstanda PAOK-un qonağı olacaq.
İdmanxeber.com-un əldə etdiyi məlumata görə, noyabrın 3-də Salonikidə vacib oyuna çıxacaq “köhlən atlar”ın heyətində hər hansı bir zədəli futbolçu yoxdu. Düzdü, kapitanın və Miçelin səfərdə oynayıb-oynamayacağısualaltında idi. Lakin bu suala da cavab tapılıb. Böyük ehtimalla Miçel Madeyra və Rəşad Sadıqovun belə bu mühim görüşdə meydana çıxacağı bildirilir.
Bu məqam Ağdam klubunun baş məşqçisi Qurban Qurbanovu sevindirir. “Qarabağ” Yunanıstan səfərinə yüksək motivasiya ilə yollanır.
Qurbanov PAOK-la səfər matçında aşağıdakı heyətə güvənəcəyi gözlənilir:
Qapıçı: İbrahim Şehiç
Müdafiəçilər: Ansi Aqolli, Bədavi Hüseynov, Rəşad Sadıqov, Maksim Medvedev
Yarımmüdafiəçilər: Dani Kintana, Riçard Almeyda, Rahid Əmirquliyev, Qara Qarayev
Hücumçular: Muarem Muarem, Reynaldo
Qeyd edək ki, komandamız 4 xalla qrupda PAOK-la 2-3-cü yerləri bölüşür.