“Biz bu qarşılaşmada olduğu kimi, hər oyunda 4 hücumçu ilə oynayırıq. Vüqar Nadirov uzun müddətdir futbol oynamır və hələki meydana çıxmağa hazır deyil”.
İdmanxeber.com-un məlumatına görə, bu sözləri “Qəbələ”nin baş məşqçisi Roman Qriqorçuk “Rəvan”la oyundan sonra deyib.
3 xalı 3 qolla qazanan “qırmızı-qaralar”ın çalışdırıcısı daha sonra sözlərinə belə davam edib:
“Bu oyunda 3 xal haqda düşünürdük və buna nail olduq. Qayın əvəzlənməsi zədə ilə bağlı deyildi. Sona 10 dəqiqə qalmışdı və onun yerine Meza Kollini meydana buraxdıq ki, onun da Avroliqaöncəsi vəziyyətini öyrənək. Elbəttə, istəyirik ki, Avroliqaya görə Premyer Liqadakı oyun təqvimiz daha uyğun olsun. İmkan olduqda təqvimdə dəyişiklik edilməsi üçün müraciət edirik. İmkan olmadıqda isə mövcud təqvimə riayət etməyə məcburuq”.