“Seltik”lə qarşılaşmaq bizim üçün gözəl olardı. Həqiqətən də həm azarkeşlər, həm də bizim baxımdan onlarla oynamaq xoş olardı. Lakin gəlin tələsməyək. Hələ bizi qarşıda “Qarabağ”la çətin oyun gözləyir”.
İdmanxeber.com-un məlumatına görə, bu sözləri “Rudar”ın baş məşqçisi Mirko Mariç deyib.
Monteneqro klubunun təcrübəli çalışdırıcısı cavab görüşündə səbrli oyun sərgiləməli olduqlarını bildirib:
“Futbolçular “Qarabağ”la cavab oyununda səbirli, məsuliyyətli və intizamlı olmalıdılar. Bakıda lazım olan nəticəni qazandıq. Tələsik oyun sərgiləməməliyik. “Qarabağ” qisas almaq istəyəcək. Şübhəsiz ki, şans özü gələcək”.
Qeyd edək ki, “Qarabağ” – “Rudar” matçı qolsuz bərabərliklə başa çatmışdı. Tərəflər arasında cavab matçı iyulun 23-də keçiriləcək.