“Xəzər Lənkəran”ın sabiq futbolçusu Ahmet Dursun futbola qayıdıb.
İdmanxeber.com Türkiyə mətbuatına istinadən xəbər verir ki, hücumçu bundan sonra həvəskarlar liqası təmsilçisi “Büyükderespor”un uğurları üçün çalışacaq. 38 yaşlı futbolçu bu addımı “Büyükderespor”da forma geyinən dostu Evren Turhanın xahişiylə atıb.
Vaxtilə Türkiyə millisinin də şərəfini qorumuş Dursun, 2009/10 mövsümündə “Xəzər Lənkəran”da top qovub. Lənkəran təmsilçisindən başqa, “Kocaelispor”, “Beşiktaş”, “Antalyaspor” kimi klubların da uğurları üçün çalışmış futbolçunun son klubu “Eyüpspor” olub. Dursun 2014-cü ildə “Eyüpspor”dan ayrıldıqdan sonra karyerasını bitirmişdi.