“Barselona”nın baş məşqçisi Xavi Hernandes Joze Mourinyonun rekordunu qıra bilər.
İdmanxeber.az-ın məlumatına görə, ispaniyalı çalışdırıcının komandası cari mövsüm qapısında cəmi 9 qol görüb.
Avropa liqalarında bir mövsümdə ən az qol buraxan komanda “Çelsi”dir. Joze Mourinyonun baş məşqçi olduğu dönəmdə “zadəganlar” cəmi 15 qol buraxmışdı.
2004-05 mövsümündə qeydə alınan rekord dönəmini “Çelsi” çempion kimi tamamlayıb.
“Barselona” qalan 8 oyunda 6 qol daha buraxmasa, Xavi Mourinyonun rekordunu qıracaq.