Bu gün “Neftçi” klubunun prezidenti Sadıq Sadıqov istefa verib.
İdmanxeber.com qol.az-a istinadən xəbər verir ki, istefanın səbəbləri haqda yaxın vaxtlar klub rəhbərinin özünün açıqlama verəcəyi gözlənilir.
Xatırladaq ki, S.Sadıqov 2009-cu ildən “Neftçi”nin prezidenti idi. Onun kluba rəhbərlik etdiyi dövrdə “Neftçi” üç dəfə Azərbaycan çempionu, bir dəfə ölkə kubokunun qalibi olub. Bir dəfə isə Azərbaycan futbolu tarixində ilk dəfə Avropa Liqasının qrup mərhələsinə vəsiqə qazanıb.