|
|
Topaz Premyer Liqanın 2015/2016 mövsümünün qalibi olan “Qarabağ”a çempionluq kuboku və qızıl medallar təqdim olunub.
İdmanxeber.com-un PFL-in saytına istinadən yaydığı xəbərə görə, bu gün keçirilən təltifetmə mərasimi “Azersun Arena”da reallaşıb. AZAL-a qarşı keçirilən oyundan sonra “Qarabağ”a mükafatları Peşəkar Futbol Liqasının prezidenti Ramin Musayev və AFFA-nın baş katibi Elxan Məmmədov təqdim ediblər.
Ardıcıl 3-cü çempionluğunu bayram edən “Qarabağ” cari mövsümdə keçirdiyi oyunlarda 84 xal toplayıb.