PSJ-nin Çempionlar Liqası kuboku həsrəti davam edir.
İdmanxeber.az-ın məlumatına görə, Paris klubu bu il də istədiyi çempionluğu qazana bilmədi. Komanda 1/8 final mərhələsində “Bavariya”ya məğlub olaraq, turnirlə vidalaşdı.
PSJ ÇL-də bu titulu qazana bilməməsinə rəğmən, ən çox oyun keçirən ikinci komanda ünvanına sahib olub. Belə ki, Fransa klubu sözügedən turnirdə 137 oyunda meydana çıxıb.
ÇL tarixində kubok almamış ən çox oyun keçirən klub “Arsenal”dır. London təmsilçisi 177 dəfə bu turnirdə forma geyinsə də, titulu heç vaxt qazana bilməyib.