“Real” Çempionlar Liqasının 1\4 final mərhələsinin ilk oyununda “Çelsi” üzərində qələbə (2:0) qazanıb.
İdmanxeber.az-ın məlumatına görə, oyunun ardından Madrid təmsilçisinin baş məşqçisi Karlo Ançelotti görüş barədə fikirlərini bildirib. O, qələbəyə layiq olduqlarını bildirib:
“Mən xoşbəxtəm, yaxşı oynadıq. İlk dəqiqələrdə mövqeləri ən yaxşı şəkildə seçməsək də, sonradan komanda oyuna yaxşı nəzarət etdi.
Bu, Çempionlar Liqasının 1/4 finalıdır, biz həm bərabər olanda, həm də azlıq qalanda üstün olan tərəf idik.
Belə matçlarda Modriç və Kroos kimi təcrübəli futbolçulara malik olmaq üstünlükdür. Onlar dərhal özlərini göstərirlər”.