“Barselona”nın vitse-prezidenti Rafa Yuste hücumçu Lionel Messinin kluba mümkün qayıdışı ilə bağlı fikirlərini bölüşüb.
İdmanxeber.az-ın məlumatına görə, klub rəsmisi argentinalını səbrsizliklə gözlədiyini bildirib:
“Messi oyunçularımızla yaxın dostdur. Əminəm ki, o, “Barselona”nın çempionluğu üçün çox xoşbəxtdir. Lionelin qayıtmasını çox istərdim “.
35 yaşlı hücumçu 2005-2021-ci illərdə Kataloniya klubunda çıxış edib. O, komandanın tərkibində 778 oyun keçirib, 672 qol vurub və 303 məhsuldar ötürmə verib.
Hücumçunun PSJ ilə hazırkı müqaviləsi bu mövsümün sonuna qədərdir.