PSJ-nin hücumçusu Lionel Messiyə Premyer Liqadan təklif gəlib.
İdmanxeber.az-ın məlumatına görə, argentinalı bir neçə klubdan təklif alıb. Səudiyyə Ərəbistanının “Əl-Hilal” klubundan başqa, futbolçunun Mayami təmsilçisi “İnter”ə keçmək variantı var.
Həmçinin 35 yaşlı futbolçu avrokuboklarda iştirak edən Premyer Liqa klubu ilə müqavilə imzalaya bilər. Messi isə “Barselona”nın ona sərfəli təklif edəcəyini gözləyir.
2022/23 mövsümündə forvard 40 oyun keçirib, 21 qol vurub və 20 məhsuldar ötürmə edib. Futbolçunun PSJ ilə hazırkı müqaviləsi gələn ay başa çatır.