“Mançester Yunayted”in yeni transferi Meyson Mauntun müqavilə detalları açıqlanıb.
İdmanxeber.az-ın məlumatına görə, 24 yaşlı yarımmüdafiəçi ilə 2028-ci ilin yayına qədər müqavilə imzalanacaq və bir illik uzadılması mümkündür. “Mançester Yunayted” “Çelsi”yə 55 milyon funt sterlinq və əlavə olaraq 5 milyon bonus ödəyəcək.
Transfer bu həftə rəsmən açıqlanacaq. Mount 2022/23 mövsümündə London klubunun heyətində 35 oyunda 3 qol vurub və 6 məhsuldar ötürmə edib.
Futbolçunun klubla müqaviləsi 2024-cü ilin iyun ayının sonuna kimi qüvvədə idi.