“Qarabağ”ın UEFA Çempionlar Liqasının I təsnifat mərhələsindəki rəqibi olan Cəbəllütariq “Linkoln”u heyətinə yeni futbolçu qatıb.
İdmanxeber.az klubun rəsmi saytına istinadən xəbər verir ki, “cırtdan” ölkə təmsilçisi Samson Acayini transfer edib.
24 yaşlı nigeriyalı oyunçu ilə imzalanmış müqavilənin detalları açıqlanmayıb.
Qeyd edək ki, “Qarabağ” “Linkoln”a qarşı ilk matçını iyulun 11-də səfərdə, cavab görüşünü isə iyulun 19-da evdə keçirəcək.