“Roma”nın hücumçusu Paulo Dibalanın klubunda qalıb-qalmayacağı ilə bağlı sualı cavablandırıb.
İdmanxeber.az-ın məlumatına görə, argentinalı paytaxt təmsilçisindən ayrılmaq istəmədiyini bildirib. O, “Əlbəttə, “Roma”da olmaqdan xoşbəxtəm. Burada qalacammı? Bəli, sabah məşqlərə başlayırıq ” deyə, yerli mətbuata açıqlama verib.
Dibala ötən yaydan “Roma”dadı. 2022/23 mövsümündə o, komandanın heyətində 38 oyun keçirib, 18 qol vurub və 8 məhsuldar ötürmə edib. Portal Transfermarkt onu 30 milyon avro qiymətləndirir.