Azərbaycanı UEFA Konfrans Liqasında təmsil edən “Sabah” bu gün II təsnifat mərhələsinin cavab oyununa çıxıb.
İdmanxeber.az-ın məlumatına görə, təmsilçimiz “Bank Respublika Arena”da Latviyanın RFŞ komandasını qəbul edib. Üç qolun qeydə alındığı matç “Sabah”ın qələbəsi ilə sona çatıb – 2:1. Səfərdə də rəqibini 2:0 hesabı ilə məğlub edən Bakı klubu növbəti mərhələyə yüksəlib.
Təmsilçimiz Konfrans Liqasının III təsnifat mərhələsində Serbiyanın “Partizan” klubu ilə üz-üzə gələcək. Oyunlar 10-17 avqustda baş tutacaq.
“Sabah” ilk matçını səfərdə keçirəcək.
Konfrans Liqası II təsnifat mərhələsi.
20:00 “Sabah” – RFŞ 2:1
Qol: Yanis İkaunieks, 67 (0:1), Coy-Lens Mikels, 77 (1:1), Apeh, 90+4 (2:1)
Qırmızı vərəqə: Artur Zjuzins, 33 (RFS)
Baş hakim – Fedayi San (İsveçrə)
İlk oyun: 2:0