Millimizin futbolçusu Ramil Şeydayevin formasını geyindiyi “Buriram Yunayted” Tailand çempionatında növbəti matçına çıxıb.
İdmanxeber.az-ın məlumatına görə, komanda 5-ci tur çərçivəsində səfərdə “Police Tero”nun qonağı olub. Oyun Şeydayevin komandasının qələbəsi ilə yekunlaşıb – 2:1.
Ramil bu matçda start heyətdə meydana çıxıb və 82-ci dəqiqədə əvəzlənib. O, ikinci qolun məhsuldar ötürməsini edib.
“Buriram Yunayted” 5 turdan sonra 13 xalla birinci pillədə qərarlaşıb.