Belçika yığmasının futbolçusu Ceremi Doku Azərbaycan millisini 5:0 hesabı ilə məğlub etdikləri AVRO-2024-ün seçmə mərhələ oyunu barədə danışıb.
İdmanxeber.az-ın məlumatına görə, 21 yaşlı vinger görüşdə poker müəllifi olan Romelu Lukakunu fərqləndirib:
“İki məhsuldar ötürmə versəm də, təəssüf ki, qol vura bilmədim. Azərbaycanla matça ciddi yanaşırdıq. Bunu meydanda da görürdünüz. Romelu Lukaku çox effektli idi. Azarkeşlər adımı uca səslə çəkirdilər. Mənim üçün ən vacibi komandama qələbə qazanmaqda kömək etmək idi”.
Belçika yığması F qrupunu 20 xalla birinci pillədə tamamlayıb. Azərbaycan yığması isə 7 xalla dördüncü olub.