“Beşiktaş” müdafiəçisi Erik Bayi ilə müqaviləni pozduğunu açıqlayıb.
İdmanxeber.az-ın məlumatına görə, 29 yaşlı oyunçu ilə müqaviləyə tərəflərin razılığı ilə xitam verilib. Bayi bu ilin sentyabrından “Beşiktaş”da çıxış edir.
O, Türkiyə klubunun heyətində bütün turnirlərdə 8 oyun keçirib.
Müdafiəçi daha əvvəl “Marsel”, “Mançester Yunayted”, “Vilyarreal” və “Espanyol”da çıxış edib. Transfermarkt portalı onun dəyərini 3,4 milyon avro qiymətləndirir.