“Qəbələ”nin futbolçusu Emil Səfərov Premyer Liqa klublarımızın diqqət mərkəzindədir.
İdmanxeber.az-ın əldə etdiyi məlumata görə, “Neftçi” və “Sabah” yarımmüdafiəçinin xidmətində maraqlıdır. Hər iki tərəf futbolçu üçün “Qəbələ”yə 300 min manat təzminat ödəməyə hazır olduğunu bildirib.
“Qırmızı-qaralar” hələlik Səfərovla bağlı müraciətləri cavablandırmır. Millimizin futbolçusunun daha öncə “Qarabağ”ın da maraq dairəsində olduğu bildirilmişdi.
Xatırladaq ki, Emil Səfərovun bölgə klubu ilə 2025-ci ilə qədər müqaviləsi var.