“Barselona” “Leyptsiq”in yarımmüdafiəçisi Dani Olmonun mümkün transferi üçün çalışmaları davam etdirir.
İdmanxeber.az-ın məlumatına görə, Almaniya klubu kataloniyalılara oyunçunu 60 milyon avroya buraxmağa hazır olduqlarını bildirib. “Barselona” bu məbləğin çox olduğunu düşünür. Tərəflər arasında danışıqlar davam edir.
Ötən mövsüm yarımmüdafiəçi bütün turnirlərdə “Leyptsiq”in heyətində 25 matçda 8 qol vurub və 3 məhsuldar ötürmə edib.