“Real”ın baş məşqçisi Karlo Ançelotti cinah oyunçusu Eden Hazardın klubdakı karyerasının niyə nəticə vermədiyini açıqlayıb.
İdmanxeber.az-ın məlumatına görə, italiyalı mütəxəssis bunun səbəbini belə izah edib:
“Onun problemi, əlbəttə ki, zədələr idi və digər oyunçularla rəqabət aparmaq da çətinlik çəkirdi. Oynamadığın zaman məşqdə varını verməlisən. Onun üçün yarışmaq, döyüşmək və oynamaq çətin oldu”.
Peşəkar karyerası ərzində Hazard “Lill”, “Çelsi” və “Real”də çıxış edib. Onun aktivində 623 oyun, 167 qol və 157 məhsuldar ötürmə var.