“Zirə”nin yeni transferinin ciddi zədə aldığını xəbər vermişdik.
İdmanxeber.az-a verilən məlumata görə, komandaya yeni cəlb edilən qapıçı Maykon Kleyton əməliyyat olunacaq. Futbolçu bunun üçün ölkəsi Braziliyaya yollanıb.
Komanda ilə məşq zamanı ciddi zədə alan futbolçunun uzun müddət yaşıl meydanlardan kənar qalacağı gözlənilir.
Xatırladaq ki, “Zirə” Maykon Kleytonla 2 illik müqavilə bağlamışdı.