“Səbail”dəki performansı ilə diqqətləri öz üzərinə çəkməyi bacaran Əlirza Müştəbazadə yayda komandasını dəyişə bilər.
İdmanxeber.az-ın əldə etdiyi məlumata görə, gənc qolkiperlə Azərbaycan II Liqasının ən imkanlı komandası olan “Şəfa” maraqlanır. I Liqanı hədəfləyən klub 24 yaşlı qapıçını heyətinə qatmağı düşünür.
“Şəfa” hazırkı komandasında elə də böyük məvacib almayan Müştəbazadəyə daha yaxşı maaş təklif edib. Artıq tərəflər arasında şifahi razılıq əldə olunub.
Bayıl təmsilçisinin qapıçısı “Şəfa” I Liqaya yüksələcəyi təqdirdə bu komandaya keçə biləcəyini də qarşı tərəfin diqqətinə çatdırıb.