“Kadiz”dən ayrılan millimizin futbolçusu Eddi İsrafilovun yeni klubu müəyyənləşib.
İdmanxeber.com-un İspaniya mətbuatına istinadən yaydığı xəbərə, o, Sequnda (II divizion) təmsilçisi “Ximnastika”ya transfer olunub. Onunla 3 illik müqavilə imzalanıb. “Ximnastika”nın oyunçu ilə müqaviləni birtərəfli qaydada pozmaq hüququ olduğu bildirilib.
Qeyd edək ki, Eddi İsrafilov ötən ilin avqustundan “Kadiz”də oynayırdı. “Ximnastika”ya qədər 25 yaşlı futbolçu müxtəlif vaxtlarda İspaniyanın “Kadiz”, “Kordoba”, “Eybar”, “Qranada” və “Mursiya” klublarında çıxış edib.