“Nyukasl” Niderlandın “Ayaks” klubunun 18 yaşlı yarımmüdafiəçisi Şon Styurun transferini rəsmən açıqlayıb.
İdmanxeber.az-ın məlumatına görə, İngiltərə təmsilçisi futbolçu ilə 5 illik müqavilə imzalayıb. Məlumata görə, transferin ümumi dəyəri bonuslarla birlikdə 27 milyon avroya çata bilər.
Niderlandın U-19 millisinin üzvü olan Styur yeni komandasında 14 nömrəli formanı geyinəcək. Gənc futbolçu Premyer Liqaya keçidi “gerçəkləşən uşaqlıq arzusu” adlandırıb.
Bu, “Nyukasl”ın cari yay transfer pəncərəsində üçüncü heyət əlavəsi olub.