Azərbaycan basketbol çempionatının 22-ci turuna yekun vurulub.
İdmanxeber.az-ın məlumatına görə, turun sonuncu matçı Şəki Olimpiya İdman Kompleksində baş tutub.
“Olimpik Şəki” doğma azarkeşlər önündə “Gəncə” basketbolçularını qəbul edib. Oyunun ilk dəqiqələrindən üstünlüyü ələ keçirən gəncəlilər parketdən 94-77 hesablı qələbə ilə ayrılıblar.
Bu qələbə ilə “Gəncə” turnir cədvəlində 3-cü sıraya yüksəldi.
Qeyd edək ki, 23-cü tur Azərbaycan Kubokunun oyunlarından sonra start götürəcək