Macarıstanın “Nemzeti Sport” nəşri müdafiəçi Bense Varkonyinin “Qarabağ”a transferinin yekunlaşmaq üzrə olduğunu yazıb.
İdmanxeber.az-ın məlumatına görə, 24 yaşlı mərkəz müdafiəçisinin Azərbaycan klubu “Qarabağ”a keçəcəyi bildirilir. Mənbənin iddiasına əsasən, Varkonyi artıq “Zalaeqerseq”dəki komanda yoldaşları ilə vidalaşıb.
Ağdam təmsilçisi transfer üçün qarşı tərəfə 1 milyon avroya yaxın təzminat ödəyəcək. Futbolçu ilə müqavilənin 3 il müddətinə olacağı gözlənilir.