“Mançester Yunayted” Altay Bayındır üçün “Fənərbağça”ya 5 milyon funt-sterlinq təklif göndərməyi düşünür.
İdmanxeber.az-ın məlumatına görə, Tom Hitonun “Luton”a transferi gündəmdədi, ona görə də “qırmızı-şeytanlar” ehtiyat qapıçı axtarır. “Mançester Yunayted” həmçinin “Urava Reds”in qapıçısı Zion Suzuki ilə maraqlanır.
Altay 2019-cu ildə “Ankaragücü”ndən “Fənərbağça”ya transfer olub. O, bu müddətdə 141 oyuna çıxıb və 42 oyunda qapısını qola bağlamağı bacarıb.