“Liverpul”un hücumçusu Muhammed Salahın PSJ-yə keçəcəyi iddialarına aydınlıq gəlib.
İdmanxeber.az-ın məlumatına görə, bu barədə oyunçunun agenti Rami Abbas İsa sosial şəbəkə hesabında paylaşım edib. O “Salah Paris təmsilçisinin rəhbəri Nasser Əl Xelaifi ilə görüşməyib və yayılan xəbərlər doğru deyil” – deyə, bildirib.
Daha əvvəl tərəflərin Mərakeşdə görüşdüyü iddia olunurdu.
Futbolçunun ingilis klubu ilə müqaviləsi 2025-ci ilin yayına kimi hesablanıb. Salah ötən mövsüm “Liverpul”un heyətində Premyer Liqada 38 oyuna çıxıb, 19 qol vurub və 12 məhsuldar ötürmə verib.
“Transfermarkt” saytı oyunçunun dəyərini 70 milyon avro qiymətləndirir.