“Zirə”nin qapıçısı Tiaqo Silva komandanın cari mövsüm çıxışını dəyərləndirib.
İdmanxeber.az-ın məlumatına görə, portuqaliyalı qolkiper bu barədə sosial şəbəkə hesabından paylaşım edib. O, komandanın möhtəşəm işlər gördüyünü bildirib:
“Əsla unutulmayacaq mövsüm oldu. Liqada ikinci olduq, avrokuboklara vəsiqə qazandıq. 36 oyunda cəmi 22 qol buraxaraq çempionatın ən yaxşı müdaifə olunan komandasıyıq.
Və növbədə Azərbaycan Kubokunun finalı var. Möhtəşəm bir hekayədir. Ancaq hələ bitməyib. Kuboku qazanmaq üçün azarkeşlərimizin dəstəyinə ehtiyacımız var”.