Müsahibə

Zaur Svanadze: “Onlardan belə oyun gözləyirdik”

Bu gün Avropa Liqasının II təsnifat mərhələsi çərçivəsində “İnter”  “Dalğa Arena”da Lüksemburqun “Fola” klubunu 1:0 hesabı ilə məğlub edib.

İdmanxeber.com-un məlumatına görə, matçdan sonra keçirilən mətbuat konfransında “İnter”in baş məşqçisi Zaur Svanadze jurnalistlərin suallarını cavblandırıb:

– Çətin oyun oldu. Bunu əvvəldən bilirdik. Rəqib bu oyunda heç də pis təsir bağışlamadı, yaxşı komandadı. Təəssüf ki, ehtiyat skamyamız çox kasaddı. Yaxşı ki, qalib gəldik. Cavab qarşılaşması daha çətin olacaq, çoxlu hücumlar edəcək. Belədə müdafiədə boşluqlar yaranacaq. Əks-hücumları çox təhlükəli idi. Səfər oyunlarında yaxşı nəticə əldə etməyə çalışacağıq.

– Pərdis Fərcad-Azad 80 dəqiqə ərzində heç nəylə yadda qalmadı.

– Pərdisin yaxşı keyfiyyətləri var, biz bunu bilirik. Ola bilsin ki, yorğun idi. Serblərlə oyunda yaxşı təsir bağışlayırdı. Fasilədən sonra Pərdis yaxşı təsir bağışlayırdı.

– “Fola”nın belə oynayacağını gözləyirdinizmi?

– Yeni heç nə göstərmədilər. Biz onlardan belə oyun gözləyirdik.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43