Xəbər verdiyimiz kimi, “Qarabağ” yoldaşlıq görüşü çərçivəsində martın 26-da “Qalatasaray”la qarşılaşacaq.
İdmanxeber.az-ın əldə etdiyi məlumata görə, Bakı Olimpiya Stadionunda (BOS) keçiriləcək oyunun biletləri təxminən martın 22-də satışa çıxarılacaq. Biletlərin qiyməti haqda məlumat verilmir.
Bakı vaxtı ilə saat 20:00-da keçiriləcək matçın bilet satışından əldə olunacaq gəlir qardaş ölkədə zəlzələdən əziyyət çəkənlər üçün təsis edilmiş yardım fonduna köçürüləcək.