Bu gün Misli Premyer Liqasında XXXI turun ilk 2 oyunu keçirilib.
İdmanxeber.az-ın məlumatına görə, günə Şamaxıda eyniadlı komanda və “Kəpəz” arasındakı qarşılaşma ilə start verilib. İKi qolun qeydə alındığı matçda qalib müəyyənləşməyib – 1:1.
Bu nəticənin ardından “Şamaxı” 23 xalla 9-cu, “Kəpəz” isə 29 xalla 7-ci yerdə qərarlaşıb.
Günün digər görüşündə “Qarabağ” “Zirə”ni qəbul edib. Ağdam təmsilçisi hesabda 2:0 önə keçsə də, qələbəni əldən verib -2:2.
Bu nəticə ilə “Qarabağ” xallarının sayını 78-ə çatdırıb. “Zirə” isə 46 xalla 5-ci yerdədir.
Misli Premyer Liqası, XXXI tur
21 aprel (cümə)
16:00. “Şamaxı” – “Kəpəz” 1:1
Hakimlər: Elçin Məsiyev, Pərvin Talıbov, Cavanşir Yusifov, İnqilab Məmmədov
Hakim-inspektor: Anar Salmanov
AFFA nümayəndəsi: Maşallah Əhmədov
Şamaxı şəhər stadionu
20:00. “Qarabağ” – “Zirə” 2:2
Hakimlər: Kamranbəy Rəhimov, Müslüm Əliyev, Şirmamed Mamedov, Kamran Əliyev
Hakim-inspektor: Babək Quliyev
AFFA nümayəndəsi: Asif Əliyev
“Azersun Arena”
Qeyd edək ki, aprelin 22-də XXXI turun “Turan Tovuz” – “Sabah” və “Səbail” – “Neftçi”, aprelin 23-də isə “Sumqayıt” – “Qəbələ” görüşləri keçiriləcək.