“Neftçi”nin yeni baş məşqçisi Adrian Mutu “Spartak”la (Rusiya) yoxlama oyunu öncəsi “Sport Ekspress” nəşrinə danışıb.
İdmanxeber.az-ın məlumatına görə, rumıniyalı mütəxəssis Moskva klubunun bir neçə oyununu izlədiyini bildirib:
“Təbii ki, onların necə oynadığını bilirəm. Rəqibin gücündən xəbərim var. Bu, əla komandadır. Üstəlik, onların böyük büdcəsi var. Amma bizim üçün nəticə yox, futbolçuların fiziki forması vacibdir. “Spartak”la matçda taktiki hazırlığımızı dəqiqləşdirə biləcəyik. Bizim hələ çox işimiz var. Bununla belə, gənc futbolçularla maraqlanırıq, onları hərəkətdə görmək istərdim. Yaxşı oyun olacaq. Meydanda bizə ayrılacaq hər dəqiqədən maksimum yararlanmağa çalışacağıq”.