“Neftçi” UEFA Konfrans Liqasının II təsnifat mərhələsində Bosniya və Herseqovina klubu “Jelezniçar”la keçirəcəyi səfər oyununda dəstəksiz qalmayacaq.
İdmanxeber.az-a verilən məlumata görə, “ağ-qaralar”ı 50-yə yaxın azarkeş dəstəkləyəcək. Onlardan artıq bir neçəsi bununla bağlı kluba müraciət edib.
Yerli mətbuat yazır ki, qarşılaşmanın keçiriləcəyi “Qrbavitsa” stadionu oyun günü tam dolacaq. 13 000 tamaşaçı tutumuna malik arenaya bütün biletlər satılıb.
Qeyd edək ki, iyulun 27-də oynanılacaq matç Bakı vaxtı ilə saat 23:00-da start götürəcək.