Bu gün avrokuboklarda mübarizə aparacaq üç komandamız – “Qarabağ”, “Sabah” və “Neftçi”nin oyunları ölkəmizdə canlı yayımlanacaq.
İdmanxeber.az-ın məlumatına görə, azarkeşlər Azərbaycanın Avropa Liqasındakı tək təmsilçisi “köhlən atlar”ın HİK görüşünü “İdman TV”dən izləyə biləcəklər. Tofiq Bəhramov adına Respublika stadionunda keçiriləcək qarşılaşma saat 20:00-da başlayacaq.
Konfrans Liqasında mübarizə aparan “Sabah” və “Neftçi”nin matçları da canlı yayımlanacaq. Tərəfdarlar “ağ-qaralar”ın “Beşiktaş” görüşünü “CBC Sport”dan, Masazır təmsilçisinin “Partizan” sınağını isə “İctimai TV”dən izləyə biləcəklər.
“Sabah” – “Partizan” görüşü saat 20:00-da, “Neftçi” – “Beşiktaş” matçı isə 21:00-da start götürəcək.