“İnter Mayami”nin və Argentina millisinin hücumçusu Lionel Messi 2024-cü ildə keçiriləcək Futbol üzrə Olimpiya oyunlarında iştirak edə bilər.
İdmanxeber.az-ın məlumatına görə, turnirdə yığmanın heyətinə 23 yaşdan yuxarı üç futbolçu dəvət oluna bilər. Bunlar Messi, Emiliano Martines və Nikolas Otamendidir.
Daha öncə MLS matçları yayda keçirildiyi üçün Messinin iştirakı çətin görünürdü. Ancaq 36 yaşlı argentinalı hələ də Olimpiya Oyunlarında iştirak imkanından imtina etməyib.
Yarış 2024-cü il iyulun 26-dan, avqustun 11-dək Parisdə keçiriləcək.