“Qalatasaray”ın gənc müdafiəçisi Kazımcan Karataş karyerasını yenidən Rusiyada davam etdirməyə yaxındır.
İdmanxeber.az Türkiyə mətbuatına istinadən xəbər verir ki, Premyer Liqa təmsilçilərindən “Akron” 22 yaşlı futbolçunu heyətinə qatmaq niyyətindədir. Klub onun bir illik icarəyə götürülməsi üçün “Qalatasaray”a təklif göndərib.
Qeyd edək ki, Kazımcanın İstanbul təmsilçisi ilə müqaviləsi 2027-ci ilin 30 iyununa qədərdir. Gənc oyunçu indiyədək “Altay”, “Ankaragücü” və Rusiyanın “Orenburq” klublarında çıxış edib.