“Kəpəz” növbəti mövsüm üçün transfer çalışmalarını davam etdirir.
İdmanxeber.az-a verilən məlumata görə, Gəncə təmsilçisi heyəti gücləndirmək üçün bir neçə futbolçu ilə yolları ayırmaq istəyir. Onlardan biri də Adama Fofanadır.
Rəhbərlik futbolçunun çıxışından narazıdır. Burkina Fasodan olan oyunçu “sarı-göylər”in gələcək planlarına daxil deyil. Bunun üçün də müdafiəçiyə yeni klub axtarılır.
Xatırladaq ki, Fofanın klubla müqaviləsi davam edir. Gəncə klubu keçən yay müdafiəçi ilə 2 illik sözləşmə imzalamışdı.