Transfer çalışmalarını davam etdirən “Şamaxı” heyətini yeni futbolçu ilə gücləndirib.
İdmanxeber.az-a verilən məlumata görə, əyalət təmsilçisi “Sumqayıt”ın oyunçusu Sənan Muradlı ilə anlaşıb. Ayxan Abbasovun bəyəndiyi oyunçu növbəti mövsüm “şirlər”in formasına geyinəcək.
19 yaşlı müdafiəçi icarə əsasında Şamaxı klubuna keçib.
Gənc müdafiəçi “Sumqayıt” forması ilə bu günə qədər 9 Premyer Liqa, iki Azərbaycan Kuboku oyununda meydana çıxıb.
Muradlı eyni zamanda U-21 millimizin də üzvüdür.