Azərbaycan I Liqa klubu “Karvan” transfer çalışmalarını davam etdirir.
İdmanxeber.az-a verilən məlumata görə, bölgə təmsilçisi qapıçı Kamran İbrahimovu heyətinə qatmaq niyyətindədi. Artıq tərəflər arasında danışıqlar start götürüb.
“Neftçi”nin yetirməsi çempionatda iddialı komandaların birinə keçmək istəyir. O, bu səbəbdən də “Karvan”da forma geyinməyə müsbət yanaşır.
Xatırladaq ki, Kamran İbrahimov ötən mövsümü “Kəpəz”də keçirib. Gəncə klubu oyunçuyla başa çatan müqaviləni yeniləməyib.