“Qarabağ”ın sabiq üzvü Türkiyə klubunda

“Qarabağ”ın sabiq futbolçusu Con Delarj Türkiyəyə qayıdıb.

Çexiyanın “Dinamo Çeske-Budeyovitse” klubundan ayrılan konqolu hücumçu I Liqa təmsilçisi “Boluspor”a keçib. Forvardla mövsümün sonuna qədər müqavilə imzalanıb. 29 yaşlı futbolçunun aylıq maaşı 15 min avro olacaq. Delarj hər oyun üçün əlavə 4,5 min avro bonus alacaq.

Hücumçu ötən mövsüm “Qarabağ”da 10 oyuna 2 qol vurub. O, Ağdam klubuna “Bursaspor”dan gəlmişdi.