UEFA Çempionlar Liqasının 2-ci təsnifat mərhələsinin “Şelbrun” (Shelbourne) – “Qarabağ” matçı üçün bütün biletlər satılıb.
İdmanxeber.az-ın məlumatına görə, “Tolka Park”da keçiriləcək UEFA Çempionlar Liqasının ikinci mərhələsində “Qarabağ” FK ilə qarşılaşmaya bilet qalmayıb. Biletlər bir gün ərzində satılıb.
Paytaxt Dublində yerləşən “Tolka Park” arenasının 6 minə yaxın tamaşaçı tutumu var.
“Şelbrun” – “Qarabağ” oyunu iyulun 23-də keçiriləcək. Bu komandaların cavab görüşü isə iyulun 30-da Bakıda Tofiq Bəhramov adına Respublika stadionunda olacaq.