“Yuventus” “Bavariya”nın hücumçusu Tomas Mülleri transfer etmək istəyir.
İdmanxeber.az-ın məlumatına görə, Turin klubunun rəhbərliyi futbolçunun müqaviləsinin uzadılması ilə bağlı vəziyyəti diqqətlə izləyir. Müller “Bavariya” ilə yeni sözləşmə imzalamaqdan imtina edərsə, “Yuve” onu azad agent kimi transfer etməyə çalışacaq.
Müller karyerası boyu “Bavariya”da çıxış edib. Onun hazırkı müqaviləsi gələn ilin yayında başa çatır. Bu mövsüm futbolçu Bundesliqada 10 oyun keçirib, 1 qol vurub və 4 məhsuldar ötürmə edib.