“Səbail”in baş məşqçisi Şahin Diniyev “Qəbələ” ilə oyunun ardından mətbuat konfransında görüşlə bağlı fikirlərini bildirib.
İdmanxeber.az mütəxəssisin fikirləri ilə sizi tanış edir:
“Çox gərgin matç idi. Yaxşı komandaya qarşı oynadıq. Bizim ən böyük üstünlüyümüz əks-hücumlar idi. Sürətli oyunçularımız var. İlk hissədə istədiyimizi ala bilmədik. İkinci hissədə oyun sistemini dəyişdik. Komanda bu gün xarakter göstərdi. 8-ci oyunumuzdur ki, geridönüş edirik. Bu, məni sevindirir. Marafonun finişinə yaxınlaşırıq. Artıq 11 addım qalıb. İstəməzdim uşaqların əziyyəti hədər getsin. Hər komandanın xal itirmək ehtimalı var”.