“Turan Tovuz”un Gürcüstan yoxlama görüşündəki rəqibləri müəyyənləşib.
İdmanxeber.az-ın klubun mətbuat xidmətinə istinadən məlumatına görə, bölgə təmsilçisi 3 sınaq matçında çıxış edəcək.
Premyer Liqanın debütantı yerli komandalarla qarşılaşacaq. Komanda iyulun 23-də “Merani” (17:00), 27-də Tbilisi “Dinamo”su (20:00), 29-da isə “Qaqra” (17:00) ilə üz-üzə gələcək.
Qeyd edək ki, “Turan Tovuz” Premyer Liqada ilk oyununu evdə “Qəbələ”yə qarşı keçirəcək.