Misli Premyer Liqasının 33-cü turunda “Neftçi” ilə görüşdə zədələn “Turan Tovuz”un futbolçusu Roderik Millerin son durumu bəlli olub.
İdmanxeber.az-a verilən məlumata görə, qabırğasından zədələnən oyunçunun MRT yoxlanışının ardından heç bir sınığın olmadığı bildirilib.
Millerin ən qısa vaxtda yenidən yaşıl meydanlara qayıdacağı gözlənilir.
Panamalı futbolçu komandasının “Neftçi”ni 4:0 hesabı ilə məğlub etdiyi matçda qollardan birinin müəllifi olub.