“Yuventus”un müdafiəçisi Leonardo Bonuççi əsas heyətindən qovulub.
İdmanxeber.az “La Gazzetta dello Sport” nəşrinə istinadən xəbər verir ki, 36 yaşlı müdafiəçi ABŞ turunda komanda ilə birlikdə olmayacaq və yay transfer pəncərəsi zamanı klubdan ayrılacaq.
“Yuventus” rəhbərliyi ona qərarını cümə axşamı günü bildirib. Turinlilərin kapitanı üçün bu xəbər gözlənilməz olub. Onun klubla müqaviləsi gələn ilin yayında başa çatır.
Bonuççi 2018-ci ildən “Yuventus”da çıxış edir. O, daha əvvəl 2010-17-ci illərdə də komandanın formasını geyinib.