“Qalatasaray” “Mançester Yunayted”in yarımmüdafiəçisi Fredi transfer etməyi planlaşdırır.
İdmanxeber.az-ın məlumatına görə, Türkiyə klubu artıq 30 yaşlı braziliyalının transferi üçün təklif göndərsə də, “qırmızı şeytanlar” bunu rədd edib. Daha əvvəl Fredin bu yay “Mançester Yunayted”i tərk etmək ehtimalının yüksək olduğu bildirilirdi.
Futbolçunun klubla müqaviləsi 2024-cü ilin yayına kimi nəzərdə tutulub.
Yarımmüdafiəçi 2022/23 mövsümündə “Mançester Yunayted”in heyətində bütün turnirlərdə 56 oyuna çıxıb, 6 qol vurub və 6 məhsuldar ötürmə edib.