Basketbol üzrə avroliqanın 22-ci turuna bu gün yekun vurulacaq.
İdmanxeber.az-ın məlumatına görə, “Fənərbağça” səfərdə “Jalgiris”lə qarşılaşacaq. “Sarı-lacivərdlilər” son 3 oyunda qələbə qazanıb. Görüş Bakı vaxtıyla saat 22:00-da başlayacaq.
Lider “Real” səfərdə “Monako” ilə qarşılaşacaq. “Kral klubu” bu mövsüm cəmi 2 dəfə məğlub olub. Oyun saat 23:00-da start götürəcək.
Günün ən maraqlı qarşılaşmasında isə Ergin Ataman və Jelko Obradoviç komandaları üz-üzə gələcək. “Panatinakos” “Partizan”ı qəbul edəcək. Matç 23:15-də başlayacaq.
Turun son oyunu isə 23:30-da başlayacaq Valensiya – Olimpiya Milano arasında olacaq.